الرئيسية الكورة المصرية الأهلي زوجة حسام غالي تكشف موقف الكابيتانو من اللعب في كأس العالم

زوجة حسام غالي تكشف موقف الكابيتانو من اللعب في كأس العالم

2361
1
مشاركة
كشفت لميس أبو الفتوح زوجة حسام غالي لاعب النصر السعودى، عن كواليس الدقائق الحاسمة التى عاشها قائد الأهلي السابق، خلال المباراة المصيرية بين مصر والكونغو والتي حسمت تأهل الفراعنة لمونديال روسيا 2018 .
 
وقالت زوجة غالي عبر حسابها الشخصي علي فيس بوك : بقالى ١١ سنه اعرف حسام خبطت فينا الدنيا كتير واجهنا حاجات كتير و كبرنا و حلمنا مع بعض و تروح و تيجى الأحلام و يبقى حلم كاس العالم ليه الحلم الى مابيتغيرش فالبنسبة  للاعب كوره هى البطوله الأكبر و الأهم كان دايما يقولى يارب يكتب فى تاريخي انى روحت كاس العالم و تمر السنين بخيبات امال الصعود و يفضّل حلمه هو هو لحد ما بقى يارب نروح كاس العالم و تبقى اخر بطوله ليا ..تخيلى يا لميس لو ختمتها كده يا سلام يكون ده بجد أحسن ختام ، كان بيحلم بشغف رهيب  خلاه مش بس حلمه بقى حلمى انا كمان انى اشوفه بيلعب فى كاس العالم …لحد امبارح  انا و هو بنتفرج على الحلم مع بعض فى التلفزيون الماتش بجد كان شعوره عظيم  مشاعر متقلبه صبر و ترقب فى الشوط الاول بعدين فرحه الجول الرهيبه الحلم شكله هيتحقق ولا ايه..؟  يارب هانت خلاص ثم جول التعادل بصينا لبعض و سكتنا وسط دقات قلب و رعب أعدنا ندعى لحد هوب ضربه جزاء جول الفوز فرحه اكبر و دموع… نزلت دموعنا احساس و شعور مايتحكيش لازم يتعاش فرحه كده من بتوع زمان الى مابقناش بنحس بيهم ، فرحه حسام امبارح بالمنتخب و بالانجاز الى حققه صحابه خلتنى افرح بيه اوى بس عز عليا اوى اوى ان حلمه يتحقق و هو مش فيه.
 
وتابعت زوجة الكابيتانو :” مش علشان جوزى والله و اكيد شهادتى مجروحه بس اتفقنا او اختلفنا على حسام فى عصبيته او حميته الزياده فى الملعب ماينفعش نختلف على ادائه و تحركاته او كونه قائد يعتمد عليه اى مدرب و هو مطمئن انه فى الملعب، و لا أبدا نختلف ان بطوله زى دى اكيد نقصها بطل زى حسام غالى”.
--------------
-

1 تعليق

  1. بصراحة إتصدمت في حسام غالي أن متصور مع مراته وعيا بالشكل اع
    لعريان ده بجد بحس البيعمل كده مش راجل ومعندهوش نخوة ولا كرامة عشان ده لحمة وعرضه وسايبه معروض زي أي سلعه رخيصة

ترك الرد

Please enter your comment!
Please enter your name here